ކޮންމެ އާދީއްތަ ދުވަހަކު ދެމުންއައި އައްޑޫ-ފުވައްމުލައް މުދާ ފެރީގެ ޚިދުމަތް މާދަމާ ކެންސަލް: އެމްޓީސީސީ

އައްޑުއާއި ފުވައްމުލަކާއި ދޭތެރޭ ކޮންމެ އާދީއްތަ ދުވަހަކު ދަތުރު ކުރާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ގެ މުދާ ފެރީގެ މާދަމާގެ ޚިދުމަތްތައް ކެންސަލްކޮށްފައިވާނޭ ކަމަށް އެކުންފުނިން ބުނެފިއެވެ.

ކޮންމެ އާދީއްތަ ދުވަހަކު އައްޑުއާއި ފުވައްމުލަކާއި ދޭތެރޭ މުދާ އަރުވައިގެން ދަތުރުކުރާ އެކުންފުނީގެ ފެރީގެ މި ޚިދުމަތް، ކެންސަލް ކޮށްފައިވަނީ، މާދަމާއަކީ ރަސޫލާގެ އީދު މީލާދުގެ މުނާސަބަތުގައި ސަރުކާރު ބަންދު ދުވަހެއްގެ ގޮތުގައި ހަމަޖައްސާފައިވާތީ ކަމަށް އެކުންފުނިން ބުނެއެވެ. 

ނަމަވެސް މާދަމާގެ ބަދަލުގައި އަންނަ ހޯމަ ދުވަހު އެފެރީގެ ހުރިހާ ޚިދުމަތްތަކެއް ދިނުމަށް ހަމަޖެހިފައިވާކަމަށެވެ.

ކޮންމެ އަހަރެއްގެ ރަބީއުލް އައްވަލް މަހުގެ 12 ވަނަ ދުވަހަކީ ރާއްޖޭގައި ކިރިތި ރަސޫލާގެ އީދު މީލާދުގެގޮތުގައި ފާހަގަ ކުރަމުން އަންނަ ރަސްމީ ބަންދު ދުވަހެކެވެ.