ވިންޑޯސް 11 ގެ ފޭކް ކޮޕީއިން މަލްވެއަރ ފަތުރަނީ - ސަމާލުވޭ!
ވިންޑޯސް އަކީ ދުނިޔޭގެ އެންމެ ގިނަ މީހުން ބޭނުންކުރާ އޮޕަރޭޓިންގް ސިސްޓަމެވެ. އަދި އެންމެ ގިނަ ވައިރަސް އެޓޭކްސް އަންނަ އޮޕަރޭޓިން ސިސްޓަމެވެ. މިހެން މިކަން ވަނީވެސް އެހެންވީމައެވެ. ސަބަބަކީ ހެކަރުންނަށް އެމީހުންގެ މަސައްކަތް ކާމިޔާބު ކުރަންވެސް ފަސޭހަވާނީ ޔޫޒާސް ގިނަވީމައެވެ.
މިހާރު މީސް މީޑިއާގައި އެންމެ ބާރަށް ދެކެވޭ ވާހަކައަކީ މައިކްރޯސޮފްޓް އިން ވިންޑޯސްގެ އެންމެ ފަހުގެ އޮޕަރޭޓިންގް ސިސްޓަމްގެ ބީޓާ ނެރުނު ހިސާބުން މިހާރު ހެކަރުން ސްޕައިވެއާރ ވިންޑޯސް 11 އަށް އެޅުމަށްފަހު އެ އޮޕަރޭޓިންގް ސިސްޓަމްގެ ކޮޕީ ހަދާ ވަނީ ޑައުންލޯޑް ކުރަން ދޫކޮށްލާފައެވެ. މި މަޅީގައި މިހާރު ބައެއް މީހުން ވަނީ ޖެހިފައެވެ.
މީގެ އެންމެ ރަނގަޅު ގޮތަކީ ވިންޑޯސް ސެޓިންގ ގެ ތެރެއިން އަޕްޑޭޓް ކުރުމެވެ. މި ސެޓިން ހެދުމަށް ހަދާނެ ގޮތް ތިރީގައި އެވަނީއެވެ.
ސެޓިން > އަޕްޑޭޓް އެންޑް ސެކިއުރިޓީ ސެޓިން > ވިންޑޯސް އިންސައިޑަރ ޕްރޮގްރާމް. މައިކްރޯސޮފްޓް އެކައުންޓަކުން ސައިން އަޕް ކުރުމަށްފަހު ވިންޑޯސް އަޕްޑޭޓް ކުރަން ޖެއްސީމަ ވިންޑޯސް 11 ޑައުންލޯޑްވާން ފަށާނެއެވެ. ޑައުންލޯޑް ކުރަން ފެށުމުގެ ކުރިން ސިސްޓަމް މިނިމަމް ރިކުއަރމެންޓް ބައްލަވާ ލައްވާ.
