މިއަހަރުވެސް ރޯދަ ހަދިޔާއަށް މަސްދަޅު ކޭސް

ލޯކަލް ގަވަމަންޓް މިނިސްޓަރު، އާދަމް ޝަރީފް އަދަދު ނޫހަަށް މަޢުލޫމާތު ދެއްވަމުން ވިދާޅުވީ، ކުރިއަށް އޮތް ރޯދަ މަހު ވެސް ކޮންމެ ގޭބިސީއަކަށް މަސްދަޅު ކޭހެއް ލިބޭނެ ކަމަށެވެ.

ސަރުކާރުން ދޭ ރޯދަ ހަދިޔާ ދޫކުރުމަށް ކުރަން ޖެހޭ މަސައްކަތްތައް މިހާރު ލޯކަލް ކައުންސިލް ތަކުން ވަނީ ފަށާފައެވެ.

މިދިޔަ ރޯދަ މަހު ރޯދަ ހަދިޔާގެ ގޮތުގައި ސަރުކާރުން ދޫކުރީ ކޮންމެ ގޭބިސީއަކަށް މަސްދަޅު ކޭހެކެވެ. އެކަން ކުރުމަށް ދައުލަތުގެ ބަޖެޓުން އެފަހަރު 111.8 މިލިއަން ރުފިޔާ ޚަރަދު ވެފައިވެއެވެ.

މަސްދަޅަކީ ދިވެހިން ރޯދަ މަހު އެންމެ ގިނައިން ބޭނުން ކުރާ އެއް ބާވަތެވެ.  2024 ވަނަ އަހަރު ރޯދަ އަށް ކޮންމެ ގޭބީސީއަކަށް ސަރުކާރުން ދެއްވާފައި ވަނީ ކާޑުގެ ބާވަތްތަކެވެ.