ދިވެހި ލިޔުންތެރިންގެ ގިނަ މަސައްކަތް ތަކާއިއެކު، އެމްއެންޔޫ ފޮތް މައުރުޒު މާދަމާ ފަށަނީ

ދިވެހި ލިޔުންތެރިންގެ ގިނަ މަސައްކަތްތަކެއް ފެނިގެންދާ މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ފޮތް މައުރަޒު، މާދަމާ، ފެށުމަށް ހަމަޖައްސައިފިއެވެ.

ދިވެހިންގެ މެދުގައި ކިޔުމަށް ޝައުގުވެރިކަން އާލާކުރުމަށްޓަކައި ބާއްވާ މި މައުރުޒުގައި 25 ފަރާތެއް، ވަނީ ބައިވެރިވެފައެވެ.

އެގޮތުން މި މައުރުޒުގައި އެބައިވެރިންގެ ޝާއިއު ނުކޮށްހުރި ބައެއް މަސައްކަތްތައްވެސް ދައްކާލުމަށް ވަނީ ހަމަޖެހިފައެވެ.

މި މައުރުޒު ބާއްވަން ހަމަޖެހިފައި ވަނީ 12 ސެޕްޓެމްބަރުން ފެށިގެން 14 ސެޕްޓެމްބަރުގެ ނިޔަލަށެވެ.

ތިން ދުވަހުގެ މުއްދަތަށް ކުރިޔަށް ގެންދިޔުމަށް ހަމަޖެހިފައިވާ މި މައުރަޒު ކޮންމެ ދުވަހެއްގެ ހަވީރު 16:00 އިން 18:00ގެ ނިޔަލަށް އަދި ރޭގަނޑު 20:00 އިން 22:00ގެ ނިޔަލަށް ކުރިޔަށް ގެންދިޔުމަށް ވަނީ ހަމަޖައްސާފައެވެ.

އަދި މިމައުރުޒުގައި އެކިއެކި ހަރަކާތްތައް ކުރިޔަށްގެންދިޔުމަށްވެސް ވަނީ ހަމަޖައްސާފައެވެ.