ފުވައްމުލަކު އެއާޕޯރޓުގެ ބެލްޓުގެ މޯޓަރު މަރާމާތު ކުރުމަށްފަހު އަލުން ޚިދުމަތް ދޭން ފަށައިފި

ފުވައްމުލަކު އެއާޕޯރޓުގެ ބެލްޓުގެ މޯޓަރު މަރާމާތު ކުރުމަށްފަހު އަލުން ޚިދުމަތް ދޭން ފަށައިފިއެވެ.

ބެލްޓުގެ މޯޓަރަށް ދިމާވި މައްސަލަ ހައްލު ކުރަން މާލެ ފޮނުވި ނަމަވެސް މަސައްކަތް ނުނިމި ލަސްވީ ހަފްތާ ބަންދު އަދި ސަރުކާރު ބަންދު ދުވަސްތަކެއް ކުރިމަތިވުމުން ކަމުގައި ރީޖަނަލް އެއާޕޯރޓްސްގެ މެނޭޖިން ޑިރެކްޓަރ އަހްމަދު މުބީން "ރަށި ކަބަރޮ" އަށް ވަނީ މައުލޫމާތު ދެއްވާފައެވެ.

ދިވެހި ރާއްޖޭގައި ސްޕެއަރ ހޯދުމަކީ ވަރަށް ދަތި ކަމެކެވެ. އަދި މަރާމާތު ކުރުމަކީ އެހާ ޚަރަދުވެސް ބޮޑު ކަމެކެވެ. ސަބަބަކަށް ވަނީ ހުރިހާ އެއްޗެއްވެސް އިމްޕޯޓް ކުރަން ޖެހުމެވެ.