ފުވައްމުލަކު ސިޓީގައި 400 ހައުސިން ޔުނިޓް އެޅުމުގެ މަސައްކަތް ފައްޓަވައި ދެއްވައިފި

އެ މަޝްރޫއުގެ ޢަމަލީ މަސައްކަތް ފައްޓަވާފައި ވަނީ ރައީސުލް ޖޫމްހޫރިއްޔާ  އައްޑޫ އާއި ފުވައްމުލަކަށް ކުރައްވަމުން ގެންދަވާ ދަތުރުފުޅުގެ ތެރެއިން އިއްޔެ އެ ސިޓީއަށް ވަޑައިގެން ބޭއްވި ރަސްމިއްޔާތެއްގައެވެ.

ފްލެކްސިންކް ޕްރައިވެޓް ލިމިޓެޑާއި ޙަވާލު ކުރެވުނު މި މަޝްރޫޢުގެ ޢަމަލީ މަސައްކަތް ފައްޓަވައިދެއްވީ ހައުސިން މިނިސްޓަރު ޑރ. ޢަބުދުﷲ މުއްޠަލިބެވެ. 

މި މަޝްރޫޢު ފްލެކްސިންކްއާއި ޙަވާލު ކުރެވިފައިވަނީ 2023 ވަނަ އަހަރުގެ އޮގަސްޓް މަހުއެވެ. މި މަޝްރުއޫގެ އަގަކީ 469,787,688 ރުފިޔާއެވެ. މަޝްރޫއު ޙަވާލު ކުރައްވާފައިވަނީ 540 ދުވަސް ތެރޭގައި ނިންމުމަށެވެ. މި މަޝްރޫއުގެ ދަށުން ޤާއިމު ކުރެއްވުމަށް ހަމަޖެހިފައިވަނީ ތިން ކޮޓަރީގެ 400 ހައުސިންގ ޔުނިޓެވެ.