އިއްޔެ ޕޮޒިޓިވްވި މީހުންނާއި އެކު ފުވައްމުލައް ކޮވިޑު ކޭސްތަކުގެ އަދަދު 80 އަށް އަރައިފި
ފައިލް ފޮޓޯ: ފުވައްމުލަކުގައި ކޮވިޑް ސާމްޕަލް ނެގުމުގެ ތެރެއިން
ފުވައްމުލައް ސިޓީއިން ކޮވިޑް-19 އިން ޕޮޒިޓިވްވި ކޭސްތަކުގެ އަދަދު 80 އަރާފައިވާ ކަމަށް ފުވައްމުލައް ހޮސްޕިޓަލުން ހާމަކޮށްފިއެވެ.
އިއްޔެ ފުވައްމުލަކުން ނެގި 87 ސާމްޕަލްގެ ތެރެއިން 09 މީހުން ވަނީ ކޮވިޑަށް ޕޮޒިޓިވްވެފައެވެ.
ފުވައްމުލައް ހޮސްޕިޓަލުން ހާމަކޮށްފައިވާ ގޮތުގައި މިހާރު ކޮވިޑަށް ޕޮޒިޓިވް ވާ މީހުންގެ ކިބައިން ބަލީގެ އަލާމާތްތައް ފެންނަލެއް ގިނައެވެ. ނަމަވެސް ކޮވިޑު19 އަށް ޕޮޒިޓިވްވެ ހާލު ގޯސްވާ މީހުން އެޑްމިޓުކޮށްގެން ސިއްހީ ފަރުވާ ދިނުމަށް ފުވައްމުލަކުގައި ހަދާފައިވާ ކޮވިޑް ފެސިލިޓީގައި މިވަގުތު އެއްވެސް މީހަކަށް އެޑްމިޓުކޮށްގެން ފަރުވާދެމުންނެއް ނުދެއެވެ. ފުވައްމުލަކުގައި ހުންނަ ކޮވިޑް ފެސިލިޓީގައި މިވަގުތު އެއްވެސް މީހަކަށް އެޑްމިޓުކޮށްގެން ފަރުވާދެމުންނެއް ނުދެއެވެ.
ފުވައްމުލައް ސިޓީގައި މީގެ ކުރިން ވެސް ކޮމިއުނިޓީ ސްޕްރެޑެއް ފެތުރިފައިވެއެވެ. މިފަހަރު މިހާތަނަށް ކޮވިޑަށް ޕޮޒިޓިވްވެ ހޯދިފައިވާ ކޮވިޑް ކްލަސްޓާ ފާހަގަކުރެވިފައިވާ ކަމަށް ވަނީ ފުވައްމުލައް ސިޓީގެ ދިގުވާޑު އަވަށު މަސްޖިދުއް ސަފްވާ އަށް ނަމާދަށް ދިޔަ މީހުންގެ ތެރެއިންނެވެ.
ފުވައްމުލައް ކޮވިޑް19 ތަފާސް ހިސާބު - 13 މެއި 2021
ސާމްޕަލް ނެގި އަދަދު: 87
ޕޮޒިޓިވްވި މީހުންގެ އަދަދު: 09
މިހާތަނަށް ނެގުނު ސާމްޕަލްގެ އަދަދު: 9965
މިހާތަނަށް ޕޮޒިޓިވްވި މީހުންގެ އަދަދު: 152
ރަނގަޅުވި މީހުންގެ އަދަދު: 75
އެކްޓިވް ކޭސް އަދަދު: 80
ފުވައްމުލައް ކޮވިޑް ފެސިލިޓީގައި އެޑްމިޓު ކުރެވިފައިވާ މީހުންގެ އަދަދު: 0
