ރޭގެ ވަގުތެއްގައި އެކްސިޑެންޓްވެގެން ހޮސްޕިޓަލަށް ގެނައި ދެފަރާތަކީވެސް ކަރަންޓީނުގައި ތިބި ދެމީހުން
ރޭގައި އެކްސިޑެންޓްވެގެން ހޮސްޕިޓަލަށް ގެންދިޔަ ދެމީހުންނަކީވެސް ކަރަންޓީނުގައި ތިބި ދެމީހުން ކަމަށް ހޮސްޕިޓަލުން ބުނެފިއެވެ.
ރޭގައި ކައުންސިލުން ބޭއްވި ނޫސްވެރިންގެ ބައްދަލުވުމުގައި ހޮސްޕިޓަލްގެ ފަރާތުން އައިޝަތު މަޖީދު ވާހަކަދައްކަވަމުން ވިދާޅުވީ މިއަދު އެކްސިޑެންޓްވެގެން ގެނެވުނު ދެފަރާތަކީވެސް ކޮންޓެކްޓް ޓްރޭސިންގ ހެދެވި ޑައިރެކްޓް ކޮންޓެކްޓް ވެގެން ހޯމް ކަރަންޓީނުގައި ތިބި ދެމީހުން ކަމަށެވެ.
އިތުރަށް ވިދާޅުވީ އައިސޮލޭޓްވެގެން ތިބެންޖެހޭ ބަޔަކު ކާފިއު ގަޑީގައި އެކްސިޑެންޓުވެގެން ހޮސްޕިޓަލަށް ގެންނަންޖެހުނު ސަބަބެއް ނުވިސްނޭ ކަމަށެވެ. މިއީވެސް މިކަމުގެ ސީރިއަސްކަން ބަޔަކު ނުނަގާކަން ހާމަވާ ކަމެވެ. މިކަމުގެ ސަބަބުން ހޮސްޕިޓަލް އަދިވެސް ރަށުގެ އެހެން ރައްޔިތުންވެސް މިބަލީގެ ނުރައްކަލަށް ހުށަހެޅިގެންދާނެ ކަމެއް ކަމުގައި ދެކޭ ކަމަށެވެ. އެހެން ކަމުން މިކަމާ ދޭތެރޭގައި ރައްޔިތުން ވިސްނަވާނެ ކަމަށް އުންމީދު ކުރައްވާ ކަމަށްވެސް ވިދާޅުވިއެވެ.
މި ބައްދަލުވުމުގައި ބައިވެރިވެ ވަޑައިގެންނެވި 3 ބޭފުޅުންވެސް ތަކުރާރުކޮށް ހެދިފައިވާ ގަވާއިދުތަކަށް ހުރުމަތްތެރިކޮށް ހިތުމަށް ތަކުރާރުކޮށް ޢިލްތިމާސް ކުރެއްވިއެވެ.
