ހޯމަ ދުވަހުން ފެށިގެން ބިދޭސިން ލައްވާ މަސައްކަތް ކުރުން މަނާ! - ކައުންސިލް
ކައުންސިލަރ ނާސިރު ބައްދަލުވުމުގައި މަޢުލޫމާތު ދެއްވަނީ
އަންނަ ހޯމަ ދުވަހުން ފެށިގެން ބިދޭސިން ލައްވާ މަސައްކަތް ކުރުން ވަގުތީގޮތުން ހުއްޓާލުމަށް ކައުންސިލުން އަންގައިފިއެވެ.
މިގޮތަށް އެންގީ ރޭ ސިޓީ ކައުންސިލުން ބޭއްވި ބައްދަލުވުމުގައި ސިޓީ ކައުންސިލްގެ ކައުންސިލަރ ނާސިރު އެވެ.
ނާސިރު އިތުރަށް ވިދާޅުވީ ބިދޭސިންނާއި ގުޅޭ ގޮތުން މީގެ ކުރިންވެސް އެޅި ފިޔަވަޅަކީ ބިދޭސިން ލައްވާ މީހުން ދިރިއުޅޭ ގޭގެއަށް ގެންގޮސްގެން މަސައްކަތް ކުރުން ހުއްޓާލުމަށް އެންގި އެންގުމެވެ. އެހެން ނަމަވެސް ތަފާތު އެކި ގޮތްގޮތަށް މަސައްކަތްތަށް ހުއްޓާނުލާ އެކި ދިމަދިމާލުގައި އެކި ގޮތްގޮތަށް ކުރަމުން ދިޔުމުގެ ނަތީޖާ އެއްގޮތުން މި ނަމްބަރސްތަށް އިތުރުވެގެން ދިއުމެވެ. އެހެންވީމަ ޖުމްލަކޮށް މުޅި ރައްޔިތުންނަށާއި މުޖުތަމަޢުއަށް ރައްކާތެރިކަން ފޯރުކޮށްދޭން ޖެހުން އެއީ ކައުންސިލްގެ އެންމެ މުހިއްމު ވިސްނުން ކަމަށް ނާސިރު ވިދާޅުވިއެވެ. އަދިވެސް އިތުރަށް ނާސިރު ވިދާޅުވިގޮތުގައި ދެންވެސް މުޅި މުޖުތަމައުގެ ރައްކާތެރިކަން ކަށަވަރުކުރުމުގެ ގޮތުން އަޅަން ޖެހުނު ކޮންމެ ފިޔަވަޅެއް އަޅަމުން ގެންދާނެ ކަމަށެވެ.
