ފުވައްމުލައް ސިޓީގެ ބަނދަރުގައި އޮތް ދޯންޏެއްގައި ހިނގި ހާދިސާއެއްގައި ތިން މީހަކު ޒަޚަމް ވެއްޖެ
ބިއްލޫރި ޕެލެޓެއް ކަނޑަން އުޅުމުގެ ތެރޭގައި ތިން މީހަކު ޒަޙަމްވެ ހޮސްޕިޓަލަށް ގެންގޮސްފި-- ފޮޓޯ:ރަށި ކަބަރޮ
ފުވައްމުލައް ސިޓީގެ ބަނދަރުގައި އޮތް ދޯންޏެއްގައި ހިނގި ނުރައްކާތެރި ހާދިސާއެއްގައި ތިން މީހަކު ޒަޚަމްވެ ހޮސްޕިޓަލަށް ގެންގޮސްފިއެވެ.
މި ހާދިސާ ހިނގަން ދިމާވީ އެ ދޯނީގައި ހުރި ބިއްލޫރި ޕެލެޓެއް ކަނޑަން އުޅުމުގެ ތެރޭގައި އޭތި ވެއްޓި އެމީހުންގެ ގަޔަށް ބުރުމާއި ގުޅިގެން ކަމަށް "ރަށި ކަބަރޮ"އަށް ވަނީ މަޢުލޫމާތު ލިބިފައެވެ.
ދާދި ދެންމެއަކު ހިނގި މި ހާދިސާގައި ދޯނީގައި ތިބި ދެ ދިވެއްސަކާއި ބޭރުމީހަކަށް ވަނީ ބޮޑެތި ޒަޚަމްތަކެއް ލިބިފައެވެ. އަދި ވަގުތުން އެމީހުން ވަނީ ފުވައްމުލައް ސިޓީ ހޮސްޕިޓަލަށް ގެންގޮސްފައެވެ.
އެމީހުންނަށް ދަނީ މިވަގުތު ހޮސްޕިޓަލުން އަވަސް ފަރުވާ ދެމުންނެވެ.
އަދި މިކަން ހިނގާދިޔަ ގޮތް ފުލުހުން ދަނީ މިވަގުތު ތަހުގީގު ކުރަމުންނެވެ.
މިލިޔުން ކިޔާލުމުން
